हिउँमाझी

नेपाली साहित्यमा वियस राई नौला नाम हुन् । नौला भएर पनि उनी उनको पहिलो कथा-कृति ‘हिउँमाझी’मा सिद्धहस्त लेखक छन्, परिपक्क कलम छन् र अब एक स्थापित आख्यानकार भएका छन् । हामीले थाहा पाएका तर बुझ्न नखोजेका सत्यहरू, अँध्यारा लाग्ने तर समाजका उज्याला सम्भावनाहरू, मानवीय संवेदनाका सुक्ष्मत्तम बोधहरू, पुराना हुन् कि लाग्ने तर एकदमै नयाँ कथ्यहरू, लाग्छ- यस कथा-कृतिका पात्रहरू हामी आफै हौं । हामी आफै बाँचिरहेको ठीक यही समयको बिम्ब हो- हिउँमाझी । हाम्रो वर्तमान समाजको ‘अर्थ-राजनीति’ पनि हो- हिउँमाझी ।