अर्थात् परिवर्तन

जनसंख्याको हिसाबले हेर्ने हो भने नेपाल विश्वको ४० औं ठूलो देश हो। भौगोलिक आधारमा पनि नेपालभन्दा साना सयभन्दा बढी देश छन्। तै पनि आफूलाई चिनाउँदा हामी नेपाल सानो देश हो भन्छौँ। यो लघुताभाषबाट माथि उठेर आफ्नै विशालतालाई अँगाल्न एउटा आमूल परिवर्तन आवश्यक छ।

‘अर्थात् परिवर्तन’ नेपाल र नेपालीले तय गर्नुपर्ने सकारात्मक परिवर्तनको खाका हो। प्रत्येक व्यक्तिको सकारात्मक परिवर्तनले समाज बदल्छ। समाजका सबै व्यक्तिको परिवर्तित सोचले नै मुलुकको परिवर्तन गराउँछ।

यो किताबले लेखकको जीवनमा भएको सकारात्मक परिवर्तन र सोचको संगालोबाट संसारभरिका नेपालीहरूको, नेपाली समाजको र नेपालको परिवर्तनमा के गर्न सकिनेछ भनेर आफ्नो भोगाई र सिकाई अघि सारेको छ।

नेपाल आफैंमा सानो देश होइन, त्यसमाथि दुई उदाउँदा विश्व शक्ति देशहरू जोड्ने सेतुका रूपमा पनि नेपालको विशेष महत्व छ। संसारभरि छरिएर बसेका ग्लोबल नेपालीलाई नेपाल र नेपालीको भविष्यको सकारात्मक परिवर्तनको यात्रामा जोडिन बनाइएका सूत्रहरूको संगालो हो ‘अर्थात् परिवर्तन’।