कारको कल्पना

तिमीहरूकै कथा हो, कारको कल्पना

भाइबहिनी हो, ‘कारको कल्पना’ बालएकाङ्की हो । यसमा तिमीहरूजस्तै भाइबहिनीको विषय समेटिएको छ । यो बालमनोविज्ञानमा आधारित छ । यो कृति कक्षा ३ देखि ६ सम्मका बालबालिकालाई बढी उपयोगी हुनेछ । खासगरी सहरमा बस्ने बालबालिका टोलछिमेकमा अरूले कार कुदाएको देख्दा आफ्ना बुवाआमाले कार किने हुन्थ्यो भन्ने चाहन्छन् । आफ्नै कार चढेर घुम्न जाने बालबालिकाको आकाङ्क्षा एकाङ्कीमा प्रस्तुत छ । छोराछोरीले बुवाआमाको कमाइ र आर्थिक अवस्था बुझ्नुपर्छ अनि बुवाआमाले पनि छोराछोरीको मनोविज्ञान र चाहना थाहा पाउनुपर्छ भन्ने सन्देश कृतिले दिएको छ । यो एकाङ्की तिमीहरूजस्तै बालबालिकाले स्कुल वा अन्यत्र मञ्चन पनि गर्न सक्नेछौ।