Description

पुस्तकको बाहिरी पृष्ठबाट

यस पुस्तकको गहिराइ विधिमा होइन, दृष्टिमा छ। यसको शक्ति समाधानमा होइन, प्रश्नमा छ । यतिखेर तपाईंको हातमा भएको यो पुस्तक न त सञ्चार प्रविधिहरूको कुनै प्राविधिक सूचीकरण हो, न सहभागितामूलक शिक्षणका नाममा शिक्षण संस्थाका कक्षाकोठाहरूमा हुने अन्तरक्रियाको सतही प्रदर्शनलाई महत्त्व दिने प्रस्तुति । यो एक गहिरो बौद्धिक अन्वेषण हो, जसले सञ्चारलाई शिक्षणको व्याकरण (grammar of pedagogy) तथा सिकाइको जीवनशक्तिको सह-निर्माणकर्ता ठान्दै शिक्षा स्वयं कसरी संवाद-निर्मित अस्तित्वगत प्रक्रिया हो भन्ने कुरा उजागर गर्छ।

प्रा.डा. मीनबहादुर विष्ट

शिक्षाशास्त्री

यो पुस्तक पढ्दा शिक्षकले केवल सिकाउन होइन, कसरी सिकाइलाई जीवन्त, अर्थपूर्ण र लोकतान्त्रिक बनाउन सकिन्छ भन्ने बुझ्छन् । यस पुस्तकले बदलिँदो कक्षाकोठाका लागि एउटा नयाँ दृष्टि दिएको छ, जुन शिक्षक, शिक्षाकर्मी, अनुसन्धाता र सिकाइमा चासो राख्ने सबैको लागि उपयोगी सामग्री बनेको छ । शिक्षा र सिकाइको क्षेत्रमा एउटा बेग्लै पहिचानसहित आएको यो पुस्तकले सिकाइको क्षेत्रमा हलचल ल्याउने विश्वास लिएको छु।

मेदिनबहादुर लामिछाने

संस्थापक प्रधानाध्यापक, यूलेन्स स्कूल