Description

पुस्तकको बारेमा

१५ वर्षको समय लगाएर अनुवाद गरिएका निबन्धहरुको यस पुस्तकले लोक कल्याणकारी सत्यको पक्षमा उभिएर सत्तासँग विमर्श गर्छ, सत्तासँग प्रतिवाद गर्छ, सत्ताको प्रतिरोध गर्छ, नयाँ जीवन प्रणालीको परिकल्पना गर्छ  । पछिल्लो बाहिरी पृष्ठबाट जो पुँजीवादविरुद्ध नभईकन फासीवादविरुद्ध उभिन्छन्, जो बर्बरताबाट पैदा हुने बर्बरतालाई लिएर अलापविलाप गर्छन्, उनीहरू पाठालाई नकाटीकन पाठाको मासु खान मन गर्ने खालका मानिस हुन् । – बर्टोल्ट ब्रेख्त

लौकिक बौद्धिकले प्रतिरक्षा गर्नुपर्ने प्रमुख कुरा विचार र अभिव्यक्तिको सम्झौताहीन स्वतन्त्रता हो । यसको प्रतिरक्षा गर्ने कार्यलाई तिलाञ्जलि दिनु वा यसको कुनै पनि आधारशिलालाई प्रदूषित तुल्याउने कार्यलाई सहयोग गर्नु भनेको वास्तवमा बौद्धिकको दायित्वप्रति विश्वासघात गर्नु हो । – एडवर्ड डब्लु

सहिद विद्वान्, दार्शनिक र कलाकार पारम्परिक र भ्रष्ट खालका बुद्धिजीवी हुन सक्छन् । त्यसकारण आफू विद्वान्, दार्शनिक र कलाकार भएको दाबी गर्ने पत्रकारहरू पनि आफूलाई ‘सच्चा’ बुद्धिजीवी मान्छन् । – एन्टोनियो ग्राम्स्की

व्यक्तिहरूको चेतनालाई पङ्गु तुल्याउने कार्यलाई म पुँजीवादको सबैभन्दा ठुलो खराबी ठान्छु । हाम्रो सिङ्गो शिक्षा-पद्धति यस खराबीबाट ग्रस्त छ । विद्यार्थीका दिमागमा एकदम बढाइचढाइ गरेर प्रतिस्पर्धा गर्ने प्रवृत्ति घुसाइन्छ र उसलाई उसको भावी वृत्तिको तयारीका रूपमा साहै्र लालची सफलताको पूजा गर्ने प्रशिक्षण दिइन्छ । – अल्बर्ट आइन्सटाइन